Քաղաքական վերլուծաբան, ԼՂ նախկին պատգամավոր Վահրամ Աթանեսյանը «Ֆեյսբուք»-ի իր էջում անդրադարձել է Մերձավանի դպրոցում կատարվածին և գրել.
«Ո՞վ պիտի պաշտպանի պատմության ուսուցչուհուն, որ համարձակվել է ճշմարտությունն ասել. անցյալ դարասկզբի հայ-թաթարական պատերազմը հրահրել է ցարական Ռուսաստանը:
Ո՞վ է նրա դեմ տրամադրել ծնողներին:
Ուսուցչուհին շատ ճիշտ է ասել. բոլոր ազգերի մեջ էլ կան լավ եւ վատ մարդիկ: Եթե համաձայն չեք, գրադարաններից հավաքեք և Հանրապետության հրապարակում հրկիզեք Ֆրանց Վերֆելի «Մուսա լեռան քառասուն օրը» վեպը: Այնտեղ մի մարդասեր թուրքի կերպար կա»:
Մերձավանի դպրոցում ծնողները և աշակերտները դասադուլ են հայտարարել, դժգոհել պատմության ուսուցչուհի Ռոզա Դավթյանից:
Նյութի աղբյուր