Երևանի ավագանին այսօրվա նիստին քննարկել է տրանսպորտային փաթեթներին վերաբերող նախագծում փոփոխությունները:
Փոխքաղաքապետ Սուրեն Գրիգորյանը ներկայացրեց փոփոխվեղ կետերը.
Արտոնյալ տոմսեր կտրամադրվեն նաև Երևանի հաշվառում չունեցող թոշակառուներին:
Անվճար երթևեկելու իրավունք կունենան նաև հաշմանդամություն ունեցող երեխաները (մինչ այս միայն 1-ին կամ 2-րդ խմբի հաշմանդամություն ունեցող անձինք կարող էին, իսկ երեխաները այլ կատեգորիայում են ներառվում):
Անվճար երթևեկելու հնարավորություն կունենան Երևանի հաշվառում ունեցող, 4 և ավելի երեխա ունեցող քաղաքացիները՝ անկախ երեխաների տարիքից:
1 օր և 7 օր փաթեթով տոմսերի ուղևորությունները կդառնան անսահմանափակ,
90 րոպեի ընթացքում երեք ուղևորության հնարավորորություն տվող տոմսի վավերականության ժամկետը կդառնա 180 րոպե,
1500 դրամով 10 ուղևորություն ձեռք բերելու հնարավորության ժամկետը կերկարաձգվի՝ 30 օրից դառնալով 45 օր:
Երևանի ավագանին 33 կողմ, 17 ձեռնպահ ձայներով ընդունեց տրանսպորտի տոմսային համակարգի արտոնություններին առնչվող որոշման նախագիծը։ Փոփոխությունները կգործեն մարտի 1-ից։
Նյութի աղբյուր